Naigo sa saag nga bala angol

CEBU, Philippines - Naangol ang usa ka dalaga human maigo sa saag nga bala didto sa L. Orlando Village, sa barangay Tisa ning dakbayan sa Sugbo sa miaging hapon.

Ang biktima mao si Karen Hibaya, 22, dalaga nga nagpuyo sa maong dapit, samtang ang nakapusil kaniya mao si Ricardo Lanawan, 40, silingan sa biktima.

Ang biktima kansang liog maoy gitaroyan sa bala, mibutyag sa kapolisan nga naglakaw siya sa karsada uban sa iyang amiga, dihang nasugatan nila ang nag-away nga suspetsado ug sa humabdos niini nga si Hubert Amparado, anak sa iyang (suspek) kapuyo.

Midugang siya nga samtang didto sa atop sa usa ka balay ang suspek, gilabay kini og bato ni Amparado, apan milanit ang suspek sa iyang armas ug gipusil si Amparado.

Gumikan malagmit kay walay praktis, imbis ang iyang humabdos maoy masabak ang biktima na hinuon maoy naigo sa bala. Gihatod dayon ang biktima sa CCMC samtang ang suspek nga nadakpan dayon sa kapolisan gipriso usab dayon. (BANATNEWS)