Gubaong brgy road ayuhon

CEBU, Philippines - Human sa mga reklamo sa mga residente ug motorista ang kagamhanan sa dakbayan sa Talisay tungod sa kagrabe sa kagubaon sa Cansojong barangay road sa barangay Cansojong, ang dakbayan migahin na og P1.1 milyon pagpaayo niini.

Ang mga residente diha sa lugar ug mga motorista taud-taod nang nag-antos sa gubaong karsada ug base sa report giingong dunay usa ka mabdos ang napunitan kon nakuhaan sa gisabak tungod sa pag-untol untol sa gisakyan niining traysikol sa maong dalan.

Si Konsehal Rodi Cabigas kinsa chairman sa council committee on infrastructure mibutyag nga nahuman na sa milabay’ng adlaw ang bidding sa maong proyekto o sa pagpaayo sa karsada.

Base sa program of work nga gigama ni assistant city engineer Gamaliel Vicente nga giaprubahan ni city engineer Audie Bacasmas mokabat ngadto sa P1,131,000 ang kinahanglan.

Apan wala maapil sa maong budget sa plano ang drainage system diha sa lugar hinuon patas-an ang karsada aron ang tubig sa uwan modagayday ra sa kilid. Wala pa hinuon ibutyag kanus-a magsugod ang trabaho. (BANATNEWS)