Pyula o Pyuti

CEBU, Philippines -  Usa sa lingaw kaayo nga pakatawa ni Teban ug Goliat ang usa ka Amerkano nga mipalit og puto sa usa ka probinsiyano.

Kano: (islang kaayo) thagfeyla imong pyutow.

Promdi: Dili ni pyutow jo kon dili puto.

 Kano: Pyutow!

Promdi: Puto!

Kano: Pyutow!

Promdi: Nahala unsa may imo Pyula o Pyuti.(Toink!)

Hehehehehehehehehehe

Sa taga Leyte pa " Aw aron sajon ra sakjan gud"(Aguy!)

Diha bitaw kano nga nagpraktis og binisaya nangutana sa nagtudlo niya.

Kano: Khatowltowl kha sa Jaklophan(Dyaklofan) Tiyalisay?

Driver: Dili na Dyaklopan jo, ang paglitok ana Haklopan Talisay.

Kano: Jaclopan!

Driver: Dili lagi Jaclopan, Haklopan dinhi sa Pilipinas ang J dinhi H na pagkalitok.

Kano: Sa Jagna (Dyagna) Bowhol khatowltowl ka.

Driver : Dili na Jagna (Dyagna), ang paglitok ana Hagna Bohol....

Kano: Jagna!

Driver: Hagna lagi, dinhi sa amo ang letrang J, H na pagbasa.

By the way kanus-an man ka mobalik sa Amerika.

Kano: Aw! og deyli sa Hanuary (January) aw sa Hulay (July). (Toink!)

Hehehehehehehehehehe

Da lagi ...... Pero musugot og sa dili ang mga taxi driver sa bag-ong lagda sa Land Transportation Franchising and Regulatory Board (LTFRB) sugod sa Enero 1, 2012 istrikto nang ipatuman nga pyula na aw pula diay ang kolor sa ilang uniporme.

Giklaro ni LTFRB Regional Director Ahmed Cuison nga sama sa puti ang balido nga uniporme polo o de kuwelyo lang.

Sa mga naglibog pa og nganong dunay nagsul-ob pa og puti nga uniporme hangtod karon tungod na kay gilugwayan sa LTFRB ang implementasyon gumikan sa hangyo sa mga operator ug sa ubang hut-ong sa transportasyon. Sa ato pa mahimo pa mong makasul-ob sa karaang uniporme kutob sa katapusang adlaw ning tuiga.

Daghan ang nagbagulbol nganong ang uniporme may giinteresan sa LTFRB nga usbon inay anang pagsakop sa mga peke nga prangkisa sa taxi ug uban pang palusot ang atimanon.

Kun pula na ang uniporme sa mga taxi driver mahibaw-an ba sa LTFRB kinsa nang mga kulorom o kwestiyonableng mga dokumento?

Mailhan ba kun kinsa nang mga taxi driver nga manulis og pasahero? Makatabang ba ang uniporme pag-ila sa mga metro nga tikasan? O kapuslan ba ang pula nga uniporme nga dili na matulis ang mga taxi driver? Kun ang pagsupak maoy maghari sa imong kasingkasing dili masulod sa libro ang imong mga pangutana apan kun ingon ka usab ka masulondon, duna bay problema?

Ginaingon "The only constant is change" walay laing makanunayon gawas lang sa kausaban. Diha bitaw magtiayon.

Bitoy: Day motoo ka ba nga the only constant is change?

Senyang: O dong ngano man diay.

Bitoy: Karong gabii ha ako na say ilawom ikaw na sad sa babaw. (Toink!/Aguy!)

Hehehehehehehehe

Alang sa mga dili gusto og kolor nga pula basin makapausab ni sa inyong hunahuna. Ang kolor nga pula sa China nagtimaan og kabulahanan ug kalipay.

Nagpasabot usab ni og kinabuhi,pagbati ug gugma hinoon lakip nang gisimbolohan sa kolor nga pula ang kalayo ug kainit apil na ang peligro. Nga kun atong ayagon daw nagsimbolo sa panginabuhi sa usa ka taxi driver. Ug ang importanteng timan-an sa pula simbolo kini sa paghunong busa aron malikay sa disgrasya hunong gyud kun pula sama sa imong paghunong kun pula si misis.(Toink!/Aguy!)

Hehehehehehehehehehe (emailad:[email protected]) (BANAT NEWS)