EGwen school ipatuman sa Kapitolyo

CEBU, Philippines -  Gitakdang ilusad ang laing programa ni Governor Gwendolyn Garcia nga gitumong sa pagpanindot sa mga tulunghaan sa tibuok lalawigan sa Sugbo.

Gani nakigtagbo gayud ang gobernadora kang Vice Governor Agnes Magpale uban sa mga sector nga miabag kanila sa pagpatuman sa E Gwen program alang usab sa kalampusan sa lain nilang programa nga mao ang EGwen School.

Matud pa ni Rowena Alensonorin ang Executive Director of Integrated Development Unit sa Ramon Aboitiz Foundation Incorporated nga tumong sa gobernadora sa paglusad sa maong programa mao ang pagpalambo sa mga tulunghaan sa natad sa landscape, health and sanitation, climate change adaptation ug uban pa.

Iya usab nga gibutyag nga ila pang i-finalize ang mga suggestion kalabot sa criteria sa pagpili og mga mananaog aron nga hingpit na nga kasugdan ang maong programa.

Samtang gipaabot ni Dr. Arden Monisit, Superintendent   sa Department of Education Cebu Province mipadayag usab sa ilang siyento porsiyento nga suporta sa maong programa. (BANAT NEWS)