Kargador sa Carbon giulo pagusil
CEBU, Philippines - Maayong pagkabuslot sa ulo sa usa ka trabahante human kini gipusil patay sa wala pa mailhing tawo pasado alas-8 kagahapon sulod sa unit 3 Carbon Market, sa barangay Ermita ning dakbayan.
Ang biktima nailhan nga si Rodrigo Abatol alyas Egoy, 38 molupyo sa barangay Pasil ug usa ka pushcart laborer.
Sa imbestigasyon sa kapolisan nasayran nga ang biktima napalgang nagbuy-od sa nahisgutang lugar ug wala nay kinabuhi ug may samad pinusilan sa likod nga bahin sa iyang ulo nga gidudahang maoy hinungdan sa iyang hinanaling kamatayon.
Sa pakighinabi kang PO3 Geoffrey Gutual, Cebu City Police Office, Homicide Section mibutyag kini nga ila pang sutaon ang background sa pagktawo sa biktima. Matud pa ni Gutual nga mangubitay usab og mga paninda ang biktima kini base usab sa ilang nakuhang impormasyon apan ila pa usab kini nga kompirmahon.
Dako usab ang pagduda ni Gutual nga posibleng gisundan ang biktima sa mamumuno ug giluyo pagpusil.
Padayon pang nangita og testigo ang kapolisan sa maong krimen sanglit bisan sa kadaghan sa mga tawo sa maong dapit walay buot motabang sa imbestigasyon pinaagi sa pagtestigo.
Kasamtangan karun nga nahimutang sa Saint Francis Funeral Homes ang patay’ng lawas sa biktima. (BANAT NEWS)
- Latest
- Trending
