Simala gidugokan sa mga tawo

CEBU, Philippines -  Gidumog sa liboang mga debotos ang Lindogon, Simala sa Sibonga sa milagrosong Birhen Maria kagahapong adlawa atol sa adlaw’ng natawhan niini kagahapon.

Ang mga deboto miagwanta sa kainit sa adlaw ug sa kataas sa linya aron lang makita ang giingong milagrosong Birhen nga motubag sa mga modangop niini.

Samtang sa labing unang higayon si Cebu Archbishop Jose Palma maoy mipahigayon sa Santos nga Misa sa simbahan sa Lindogon sukad nga kini nahimong arsobispo sa Sugbu.

Matud pa ni Palma nga dako ang iyang gibating kalipay sa diha nga iyang nakita ang hilabihan kabaga sa mga tawong naghugop tungod sa ilang debosyon.

Nagmalaumon usab si Palma nga ang kinaiya sa Mahal nga Birhen pagkamanggiluluy-on ug manggihatagon sundon sa katawhan. (BANAT NEWS)