Kampanya batok dengue gihugtan

CEBU, Philippines -  Ang dakbayan sa Talisay padayon sa ilang hinugtanay   nga kampaniya batok sa dengue. Kagahapon sa buntag giaprobahan sa konseho ang duha ka resolusyon ni Konsehal Choy Aznar nga nag-awhag sa kabarangayan ug mga tunghaan nga magtukod og dengue brigade aron malikayan ang dengue outbreak   sa ilang lugar.

Si Aznar kinsa maoy chairman sa council committee on health sa konseho sa Talisay   milihok dayon   human sila makadawat og report gikan sa Regional Epidemiology and Disease Surveillance Unit (RESU7) nga gikan sa buwan sa Enero hangtud sa buwan sa Agosto niining tuiga ang Talisay nahimutang sa ikalima sa talaan sa kaso sa dengue.

Base sa report ang Talisay namatyan na og tulo ka tawo   sa 124 ka kaso sa dengue   gikan sa Enero hangtod Agosto. (BANAT NEWS)