CEBU, Philippines - Usa ka lalaki napalgang patay nga nagbuy-od sa daplin sa karsada human kini dunggaba sa wala hiilhing criminal didto sa eskina sa MC Briones ug F Gonzales St., barangay Sto. Niño ning dakbayan sa Sugbo sa miaging gabii.
Ang bitikma nailhan nga si Efren Cordova Amancio, 34, molupyo sa maong lugar ug usa ka trabahante sa Carbon market.
Nasayran sa kapolisan ang maong hitabo gikan sa mga barangay tanod nga nag-roving sa maong lugar nga gipangunahan ni Aldrin Cabigon kinsa maoy nakadiskobre sa patay’ng lawas sa biktima.
Dihang gisusi nila may samad dinunggaban sa buko-buko ang biktima nga maoy hinungdan sa kamatayon niini.
Sa pagkakaron padayon pang gisusi sa kapolisan ang maong kaso samtang gipanid-an pa nila ang tawong mipatay sa biktima. - (BANAT NEWS)