CEBU, Philippines - Nagtingkagol sa Talisay City detention cell ang usa ka 35-anyos nga lalaki human kini maimbargohi og armas nga walay lisensiya sa check point sa kapolisan didto sa barangay Lagtang, dakbayan sa Talisay sa miaging Sabado sa hapon.
Ang suspetsado mao si Edgar Asenas Sabroso, nga taga barangay Buot Taop, dakbayan sa Sugbo.
Si Sabroso giingong nagmaneho og motorsiklo kansang lisensya nabahas na.
Naimbargo sa mga polis gikan kaniya ang usa ka kalibre .45 nga pistola nga dunay usa ka magazine ug unom ka buhing bala.
Gitakda kining pasakaan og kasong illegal possession of firearm karong adlawa sa city prosecutor’s office sa Talisay. - BANAT NEWS