8 polis sa TCPS na-promote
CEBU, Philippines - Walo ka polis sa dakbayan sa Talisay ang gihatagan og promosyon sa Camp Crame gumikan sa malampuson nilang performance sa ilang paghupot sa katungdanan.
Ang mga na-promote mao si Superintendent Eddie Recamara, SPO4 Daniel Tarucan, SPO1 Jeoville Bacarizas, SPO1 Mikie Espina, SPO1 Judith Nedamo, SPO1 Joel Rosales, SPO1 Eric Enad ug PO3 Roelito Tano.
Sa ranggo karon ni Recamara isip colonel kwalipikado na kining mapirmanenteng hepe sa TCPS.
Si Bise Mayor Alan Bucao nga nahinabi sa mga tigbalita nagkanayon nga wala siya’y nakitang problema sa pagdumala ni Recamara sa kapolisan ug gani maayo kini og performance ug adunay nahimong accomplishment sukad sa iyang paglingkod isip OIC sa TCPS.
Si Bucao nagkanayon nga ang konseho dili siguro mo-pre-empt sa lakang o kabubut-on sa mayor kabahin kang Recamara kung i-permanente kining hepe sa TCPS.
Kahinumdoman nga ang mayor migama og suwat ug gipapirmahan sa mga sakop sa konseho aron mapabilin si Recamara saTCPS.
Gumikan sa ilang kalipay, mihimo sila og selebrasyon niadtong Lunes sa gabii ug ang maong salo-salo gitambungan sa ilang tagsa-tagsa ka pamilya. (BANAT)
- Latest
- Trending
