Heritage Park sa Dumanjug gitukod

CEBU, Philippines - Giduaw   sa miaging adlaw ni Governor Gwen Garcia ang Heritage Park sa lungsod sa Dumanjug nga ginganlan sa   ngalan sa ilang apohan nga si Doña Josefa Paras Garcia.

Kauban sa pagsusi sa gobernador sa nahisugtang   parke mao ang iyang igsuon nga si Dumanjug Mayor Nelson Garcia, Provincial Engineer Eulogio Pelayre, Provincial Planning Officer Engr. Adolfo Quiroga, mga opisyaels sa Dumanjug ug uban pa.

Si Konsehal Belenda Quirante, chairman sa Committee on Tourism sa Sangguniang Bayan sa Dumanjug,   nagkanayon nga ang pagtawag sa maong    parke sa ngalan sa apohan sa gobernador   gihimo   sa paghandom sa mga maayong   butang nga nahimo   niini sa iyang mga anak bisan kalo lamang ang negosyo niini kaniadto.

Segun pa ni Quirante nga ang anak ni Joseph Garcia nga si 2nd district Congressman Pablo Garcia nahimong gobernador usab kaniadto, ang iyang apo nga si Gwen Garcia nahimo usab nga gobernador, ang iyang laing apo nga si Pablo John Garcia nahimong kongresista sa ikatulong distrito, nahimong mayor sila si Alvin Garcia ug Nelson Garcia ug GSIS president ug General Manager usab si Atty. Winston Garcia.

Sa maong Heritage Park makita ang karaang atabay ni Patoy, nga maoy nagsilbing   tinubdan sa tubig sa mga molupyo sa Poblacion, Dumanjug niadtong panahon pa sa mga Katsila.

Samtang si Mayor Nelson Garcia   sa Dumanjug nagkanayon nga   sa nahisgutang heritage park    daghang   mga Pilipino   panahon sa gubat sa Hapon ang nangamatay.

Daghan pa nga mga makita nga maayong talan-awon sa Doña Josefa Paras Garcia Heritage Park nga padayon pang gitrabaho niining mga tungora   ubos sa paningkamot   sa gobernadora   ug sa igsuong   mayor niini. (/WC) (BANATNEWS)