Labayana'g hugaw sa matag lungsod

CEBU, Philippines - Mopalabang unya og resolusyon si 6th district Board member Thadeo Ouano nga maghangyo sa tanang mayor sa lalawigan sa Sugbo sa paghimo og programa alang sa saktong pagkolekta ug paglabay sa hugaw sa tawo.

Ang resolusyon ni Ouano may koneksyon sa Clean Water Act of 2004 nga nagmando sa tanang Local Government Units nga kinahanglang adunay kaugalingong Septage Management Program alang sa insaktong pagkolekta ug paglabay sa hugaw sa tawo.

Nasayran pinaagi sa pagtuon sa Department of Health nga ang Sugbo walay accredited treatment facility tungod sa kawalay gipatumang susamang programa.

Sa iduso nga resolusyon kini nagpasidaan sa publiko nga ang dili maayong paghipos sa mga hugaw sa tawo gikan sa mga septic tanks kini magdala og sakit sa mga tawo.

Tungod sa kawalay programa bahin niini ang mga LGUs sagad sa mga pribadong mangolekta o mokuha sa mga sulod sa mga kasilyas adto molabay niini sa kasapaan.

Hangtud nga walay programa alang niini magpadayon ang susamang binuhatan ug maabot sa punto nga dili na matabang ang kasapaan ug maapektahan na ang publiko. (BANATNEWS)