Comendador director na

CEBU, Philippines - Usa ka dakong sunog ang miulbo sa sulod sa compound sa Shemberg Marketing Corporation sa barangay Basak dakbayan sa Mandaue kagahapon sa buntag nga midanyos og gibana-banang tunga sa milyon.

Sa pasiunang imbestigasyon ni SFO2 Roy Garcia nasutang nasunog mao ang Tomorrow Plastic Industry Inc. nga gipanag-iya ni Ernesto Dacay nga nahimutang sulod nga bahin sa compound sa SMC.

Atol sa imbestigasyon nasuta nga didto magsugod sa usa sa mga makina ang kalayo apan wala pa matino kung unsay hinungdan niini. Gikan sa makina mikatap ang kalayo sa production area.

Hinuon luwas nga nakagawas ang tanang trabahante sa maong kompaniya ug walay gikatahong nakabsan sa kinabuhi atol sa maong sunog.

Nadawat sa kabomberohan sa Mandaue ang sunog mga alas 9:55 kagahapon sa buntag ug gipaubos sa 2nd alarm ug napakgang kini sulod sa 10- minutos sa mga bombero. (BANAT NEWS)