CEBU, Philippines - Hasta ang mga sakop sa Liga ng Lupong Tagapamayapa sa siyudad sa Sugbo nakamatikod na sa kalisod sa panginabuhi karon ug mihangyo sa City Government og dugang P1,000 nga binuwang allowance.
Kasamtangang nagdawat sa susamang kantidad gikan sa siyudad ang mga sakop sa lupon sa 80 ka barangay sa siyudad apan mihangyo sila og dugang P1,000.
Matud pa sa maong pundok nga kini gumikan sa grabe na kalisod sa panahon ilabi na nga misaka ang presyo sa mga nag-unang palaliton.
Ang maong mga lupon sa siyudad maoy nakasungkit sa Galing Pook Award niadtong 2007 gumikan sa maayo nila nga agi paghusay og ginagmay nga mga kaso sa barangay nga nasulbad dayon sa ilang level.
Ang Department of the Interior and Local Government nakatala og 4,279 nga gihuptan sa lupon sa 80 ka mga barangay sa siyudad sugod niadtong Enero hangtud sa tungang bahin sa tuig. (BANAT NEWS)