Tomas ug Guardo nagkauli na

CEBU, Philippines - Nagka-uli na gyud sa maayong kabubut-on ang kanhi higpit nga managkaribal sa politika nga silang magpatigayon Atan Guardo ug Kongresista Tomas Osmeña human sa gipahigayon nga mediation proceedings kagahapong adlawa diha sa mediation board sa Palace of Justice.

Si Guardo ug si Osmeña nag-abot sa mediation room pasado alas-3 sa hapon diin naglamao kini nagpamatuod sa ilang maayo na nga buot sa usag-usa.

Human sa gihimo nga mediation proceedings nagkasinabot ang duha ka kampo nga magkauli-ay sa ilang buot ug dili nalang ipadayon ang kasong libelo nga gisang-at ni Osmeña sa buhatan ni Regional Trial Court Branch 18 Judge Gilbert Moises batok ni Guardo.

Ang kasong libelo gisang-at sa mayor dihang mibuhi og pamahayag si Guardo nga gibabagan sa mayor ang hinabang sa oposisyon alang sa mga nasunogan sa Calamba.

Si Guardo sa iyang bahin, nangayo og pasaylo ngadto kang Osmeña ug sa City Government atubangan sa mga tigbalita ug sa telebisyon isip pagmatuod nga sensiro siya sa iyang pagpangayo og pasaylo.

“If ever there was even the slightest tarnish in name and reputation that Congressman Tommy or this City suffered because of those statements of mine, I offer my apologies” matud pa ni Guardo sa iyang statement.

Samtang gipasabot usab ni Guardo nga walay sagol politika ang iyang gihimo nga pagpangayo og pasaylo ang iya lang nga mahusay na sila.

Sa bahin usab ni Osmeña mibutyag nga iyang gikalipay nga nangayo og pasaylo si Guardo ilabi na sa syudad. “ I wish him well, go on with his business,” matud pa ni Osmeña.