Nasayop og 'good morning' gipatay

CEBU, Philippines - Patay ang usa ka lalaki human gipusil sa lalaking nasuko nga iyang gi-pangatahuran og ‘good evening’ imbes ‘good morning’ niadtong Domingo sa kaadlawon diha sa barangay Lawaan 3 sa dakbayan sa Talisay.

Ang biktima giila nga si Jason Taberos, 26, residente sa sitio Riverside sa naasoy’ng barangay samtang ang suspek nailhan nga si Philip Cuizon Aro, 28, nagpuyo ra sab sa maong lugar.

Si SPO2 Raul Bacayo sa Talisay City Police Station nga gikahinabi sa Banat News nagkanayon nga nag-inom ang biktima sa tindahan dihang naagi ang suspek ug gihagad sa biktima og tagay.

Apan mibalibad ang suspek maong gi-greet nalang kini sa biktima sa pag-ingon ‘good evening brod’ apan wala diay makauyon niini ang suspek ug mibalik sa agi dayon gikomprontase ang biktima.

Ang suspek mipusil makaduha sa dughan ug ulo sa biktima nga namatay diha-diha, ang suspek daling misibat. Ang kapulisan sa Talisay mihimo og hot pursuit operation apan napakyas sila pagsikop sa gikatahapan. (BANATNEWS)