P1 bilyon nahatag sa mga kabus

CEBU, Philippines - Mokapin na sa usa ka bilyon ka pesos ang kantidad sa hinabang financial nga nahatag sa buhatan ni Governor Gwendolyn Garcia pinaagi sa Provincial Social Welfare and Development Office (PSWDO) ngadto sa mga nabiktima sa kalamidad ug niadtong mga kabus nga pasyente gikan sa kalungsoran sukad sa iyang paglingkod isip gobernadora sa Kapitolyo.

Matud pa   ni PSWDO administrative officer Wilson Ramos nga karong bulan sa Hulyo lamang, mikabat na sa kapin sa usa ka milyon ka pesos ang kantidad sa hinabang nga gihatag sa gobernador ngadto sa mga nanginahanglang Sugboanon.

Apan si Ramos mibutyag nga ang nahatagan sa gobernadora og labing dakong kantidad mao ang mga biktima sa bagyo ug landslide sa ubang probinsiya sama sa Southern Leyte.

Gitataw ni Ramos nga ang gihimo sa ilang buhatan, kabahin lamang sa gihingusgang pagpatuman sa gobernador sa 12 point agenda sa iyang administrasyon. (BANAT NEWS)