Ouano naluwata'g orden de aresto

CEBU, Philippines - Si Judge Gilbert Moises sa Regional Trial Court (RTC) 7   sa dakbayan sa Sugbo   miluwat og warrant of arrest batok kang kanhi ABC President ug kanhi Kapitan Joveta Tuela Joy Ouano sa barangay Opao sa kasong eight counts nga estafa niadtong Hulyo 11, 2011 apan wala kini ikasilbi tungod kay mitahan sa iyang kaugalingon ang nahisgutang opisyal.

Si Ouano nakabayad usab dayon og piyansa nga balor og P368,000 alang sa temporaryo niyang kagawasan.

Ang kaso ni Ouano nahitabo niadtong tuig 2005 ug 2006 dihang   ang negosyante nga si Clarita Boligor mipasaka og kiha batok kaniya gumikan sa giingong kapakyas niya (Ouano) pagbayad sa iyang giutang nga kuwarta nga balor P341,000 kang Boligor.

Sumala sa kiha ni Boligor nga may walo ka tseke nga giluwat ni Ouano ngadto kaniya alang sa maong bayranan apan dihang iyang gipasinsiyohan sa bangko miuntol kini kay wa   kunoy pundo ang bank account ni Ouano.

Matud pa ni Boligor nga aron mahusay ang maong kaso, midangop nalang siya sa hukmanan. (BANAT NEWS)