Marijuana gipasok sa dunggan

CEBU, Philippines - Usa ka tawo nga mipasok sa usa ka linikit nga marijuana sa iyang dunggan gisikop sa kapolisan didto sa Zone 3 Brgy. Mantuyong, dakbayan sa Mandaue sa milabay’ng gabii.

Ang nasikop mao si Jamal Rega, 22, ulitawo ,nga lumad sa Marawi City ug kasamtangang nagpuyo sa dakbayan sa Mandaue.

Nasayran nga si Rega nasikop atol sa saturation drive sa kapolisan didto sa Mantuyong sa mga alas 10:20 sa kagabhion nga gipangulohan ni Insp. Mark Edward Barios sa Station 1 diin gawas sa linikit nga marijuana, nga gipaslak niini sa iyang dunggan , nagtangkil pa usab kini og 12 pulgadas nga kutsilyo dihang girikisa sa kapolisan.

Nagtingkagol na sa prisohan karon ang maong suspetsado samtang gipasaka na ang kaso nga paglapas sa RA 9165 batok kaniya. (BANAT NEWS)