Miyarok og hilo patay

CEBU, Philippines - Ang naghikog mao si Brigilio Tampepe, 40, molupyo sa maong dapit dihang miabot kini sa ilang balay milahos kini ngadto sa silong diin gibutang ang pesticide ug iyahang giyarok.

Si Tampepe daling gidala sa iyang pamilya ngadto sa Isidro Kintanar Memorial Hospital apan patay na kining naabot sa maong tambalanan.

Ang inahan ni Tampepe nga si Maria mibutyag sa mga polis nga nakita niya ang anak nga naghigda diha sa silong sa ilang balay ug nagtuo siyang natulog ra kini.

Apan dihang iyang gitutukan ang nawong niini nabantayan niyang nagbuwa-buwa ang baba niini hinungdan nga dali siyang nanawag og panabang sa laing mga anak niyang lalaki.

Si Maria mibutyag sa The Freeman ang igsuong pamantalaan sa Banat News nga wala mosulti ngadto kanila si Brigilio kung aduna ba kini problema nga matuohang hinungdan sa iyang paghikog.

“Wala gyud iya rang giingon ‘babay nalang mga igsuon’ una siya nawagtangan sa panimuot,” ni Maria pa.

Gibutyag usab ni Maria nga kung makainom si Brigilio dili nila kini baldahon aron walay samok.

Niadtong tuig 2003 si Brigilio misuway na usab kini sa paghikog pinaagi usab sa pag-inom og pesticide nga iyang gigamit sa iyang mga tanom mga kamatis apan nabantayan siya sa iyang igsuon kinsa milabay diha sa lugar niadtong higayona ug napugngan si Brigilio. (EIM) (BANAT NEWS)