Sari-sari store nakaayo sa industriya sa paninda

CEBU, Philippines - Ang lokal nga negosyo sama sa sari-sari store   dako kaayo og natampo sa industriya sa paninda sa kinabus nga paagi sa Metro Cebu, sumala pa ni Robert Go, ang presidente ug chief executive officer sa Prince Warehouse Club (PWC).

Sa pakighinabi sa Banat News, si Go nagkanayon nga usa sa gikatabang sa iyang club mao ang pagpautang sa mga kabus nga nagpadagan og gagmay’ng tindahan sa kahilitang mga dapit og mga baligya sa Prince Warehouse.

Mas dako kaayo og gikatampo ang iyang gihimo sa negosyong sari-sari store sa mga kabus nga negosyante kay barato ang presyo nga iyang gitanyag sa ilang miembro pinaagi sa paghatag og dagkong diskuwento niini sa ilang mga kinompra nga stock nga ibaligya usab nila sa ilang tindahan.

Nagtuo si Go nga pinaagi niini labing mogaan ang panginabuhi sa komunidad nga dili na kaayo bug-at dumalahon sa lokal nga mga opisyal sa barangay kun may gikalingawang panginabuhi ang iyang mga katawhan.

Ang labing gipaabot sa tanang mga miyembro ug dili miyembro sa PWC   mao ang umaabot nga Sari-sari store Festival karong Hulyo 29, 2011 diin matag tindahan sa PWC mohatag og mga nagkalainlaing programa uban ang itanyag nilang mga mapuslanong ganti sa ilang mga sakop nga moduyog sa maong kalihokan.  (BANAT NEWS)