Koleksyon Misaka

CEBU, Philippines - Misaka og siyam ka porsiyento ang revenue collection sa lalawigan sa Sugbo sa tuig 2010 itandi sa nakolekta nga income sa tuig 2009.

Sigon pa ni Provincial Treasurer Roy Salubre nga misaka og kapin sa P88 milyones ang kinatibuk-ang kita sa probinsiya sa tuig 2010 itandi sa miaging tuig.

Gipahibawo ni Salubre nga sa tuig 2009 P1.811 bilyones lamang ang nakolektang revenue sa lalawigan.

Apan sa tuig 2010 ang nakolekta sa probinsiya mikabat na og P1.899 bilyones. Giangkon ni Salubre nga ang nakatampo sa pag-usbaw sa revenue collection sa kagamhanan mao ang mga epektibong mga tax measures ug mga pamaagi nga mokita ang mga facilities nga gidumala sa probinsiya sa Sugbo.  - BANAT NEWS