CEBU, Philippines - Kritikal ang kahimtang sa usa ka welder nga gidudahang asset sa kapolisan human kini pusila sa wala hiilhing tawo sa sudlonon nga bahin sa eskina sa mga dalan Espolarium ug Carlock sa barangay Duljo, siyudad sa Sugbo sa miaging gabii.
Ang biktima mao si Goldwyn Pacible, 20, ulitawo, usa ka welder, nga taga Private Road sa barangay Sambag Uno.
Sa pasiunang imbestigasyon ni SPO4 Alex Dacua ug mga kaubanan sa Homicide Section nasayran nga naglakaw ang biktima sa sudlonon nga bahin sa maong lugar dihang gipusil kini sa wala hiilhing tawo.
Ang biktima kinsa nakaangkon og daghang samad sa kalawasan gidali pagdala sa Miller hospital samtang nakaikyas ang kriminal.
Si Vivian Pacible, inahan sa biktima mitug-an sa kapolisan nga dugay nang gidudahang asset sa kapolisan ang iyang anak. (BANAT NEWS)