Beautification sugdan karon

CEBU, Philippines - Hayan dili na magdugay ang pagsud-ong sa mga Sugbuanon sa maanindot  nga dalan Osmeña Boulevard tali sa Fuente Osmeña Rotunda ug sa Cebu Provincial Capitol.

Kini kay sugdan na sa siyam ka mga kontraktor ang pagtrabaho sa maong proyekto ugma, Lunes, Hunyo 20.

Kining maong kalamboan nasayran human makigtagbo si Gobernador Gwendolyn Garcia sa siyam ka mga Contractor Volunteer uban nila ni Cebu Provincial Architect Tess Javier, Provincial ug Engr. Eulogio Pelayre aron sa pagpangandam sa tanang nag-unang panginahanglanon alang sa maong proyekto.

Sa maong higayon si goberanador Garcia miingon nga ang iyang buhatan moduso og notice of establishment ngadto sa Cebu City hall nga nagpahibawo nga aduna magsugod na ang mga kontraktor sa ilang trabaho karong Lunes.

Si Engr. Willy Go nga tag-iya sa WTG Construction miingon nga human unya sa Beautification Project gituohang labi pang madani ang mga langyaw ug local nga mga turista dinhi sa Sugbo.

Midugang siya nga aronmagpabilin ang katahoim sa maong proyekto, sabotan nilang mga kontraktor nga sila ang moatiman niini. (BANAT NEWS)