Cebu Zoo nangita'g donasyong hayop

CEBU, Philippines - Naglaraw Department of Veterinary Medicine and Fisheries pinaagi ni Dr. Alice Utlang nga padaghanon ang mga hayop sa Cebu City Zoo nga nahimutang diha sa barangay Kalunasan.

Giangkon ni Utlang nga gikan sa 30 ka matang sa mga hayop 28 nalang ang nahibilin karon tungod sa sakit bunga sa pag-usab-usab sa klima sa panahon.

Dugang pa niya nga kanunay naka-standby ang ilang mga veterinarian karong panahona sa zoo aron mamonitor gyud ang panglawas sa mga hayop.

Gihangyo nila karon ang publiko nga adunay mga binuhing hayop sa kalasangan nga dili na nila maatiman sa pag-turnover niini ngadto sa zoo.

Padayon karon nga nanawat   og donasyon nga hayop gikan sa mga pribadong tawo ang Cebu City Zoo aron mosamot ang atraksyon niini ngadto sa mga turista.  - BANAT NEWS