Polis vs. dalagita nadisgrasya

CEBU, Philippines - Si PO3 ARnel Fruta, usa ka investigator sa Catmon Police   maoy midasmag kang Sheila Joromo, 13, molupyo sa maong lugar.

Sa pakighinabi sa Banat News ni PO1 Benjie Gan, sa Catmon Police Station, kini mibutyag nga si Fruta nagsakay sa iyang motorsiklo nga adunay plakang YT-4201.

Matud ni Gan nga paatubang si Fruta sa norte nga bahin apan sa pag-abot niya sa maong lugar kalit nga milabang si Joromo nga nagsakay sa iyang bisikleta.

Gumikan sa kakalit, wala na makapugong si Fruta sa iyang sakyanan busa nabanggaan niini ang biseklita ni Joromo ug silang duha pulos nangalamba sa karsada.

Ang duha gihatod dayon ngadto  sa Juan Dosado Memorial Hospital apan gipagawas ra usab dayon si Joromo samtang si Fruta gibalhin ngadto sa Cebu Doctors Hospital sa dakbayan sa Sugbo.   - BANAT NEWS