Rerouting sa PUJ ipatuman

CEBU, Philippines - Ang City Traffic Operation Management, (CITOM) mipahibawo sa publiko sa temporaryong pagsirado sa dalan Osmeña Boulevard karong adlawa Hunyo 12, 2011 sa alas 4:00 sa kadlawon hangtud sa alas 8:00 sa gabii tungod sa kalihukan nga gitawag Road Revolution.

Ang mga motorista giawhag sa pagsunod sa mga traffic sign nga gipamutang sa mga rerouting area.

Ang mga PUJ gikan sa Mabolo nga moagi sa V. Gullas St. moliko kini sa wala ngadto sa D. Jakosalem St., liko sa wala paingon sa Gomez St. dayon ngadto sa Urdaneta St. balik ngadto sa ilang gigikanan o point of origin.

Ang PUJ nga 03B ang rota nga moagi diha sa Gen. Maxilum Ave. moliko kini ngadto sa F. Ramos St., dayon ngadto sa Junquera St., liko sa wala sa Colon St., unya moliko sa tuo sa Mabini St., liko sa tuo sa V.Gullas St. liko na usab sa tuo sa D. Jakosalem St. dayon balik sa ilang naandang rota ug gigikanan.

Ang PUJ gikan sa Lahug nga moagi diha sa Gen. Maxilom Ave. moliko sa wala paingon ngadto sa F. Ramos St., liko sa tuo paingon sa Junquera St., liko sa wala sa Colon St., liko sa wala paingon sa D. Jakosalem St. dayon sa ilang gigikanan.

Ang PUJ gikan sa Talamban nga dunay rota nga 13B ug 62C nga moagi sa Junquera St. moliko sa wala sa Colon St., liko sa tuo sa Mabini St., liko sa tuo sa V. Gullas St., liko sa tuo sa D. Jakosalem St., dayon ngadto sa ilang gigikanan.

Ang mga PUJ nga adunay mga rota nga 62B ug 65B nga moagi sa Sikatuna St., moliko sa tuo paingon sa V. Gullas St., liko sa tuo paingon sa D. Jakosalem St., unya balik sa ilang gigikanan.

Ang mga PUJ nga dunay mga rota nga 04B, 04D, 04E, 04H, 17B ug 17D moagi lahos ngadto sa Gorordo Ave., dayon moliko sa tuo sa Gen. Maxilom Ave. liko sa wala ngadto sa F. Ramos St., liko sa tuo paingon sa Junquera St., liko sa tuo paingon sa Sanciangko St., liko sa tuo paingon ngadto sa Pelaez St., liko sa wala paingon ngadto sa P. Del Rosario St. liko sa tuo ngadto sa Alcantara St., liko sa tuo ngadto sa V. Rama Ave., liko sa tuo ngadto sa B. Rodriguez St., liko sa wala paingon ngadto sa Don Mariano Cui St., liko sa tuo ngadto sa N. Escario St., dayon balik sa ilang gigikanan.

Ang PUJ nga dunay rotang 14B, 14D ug 15, moliko sa wala paingon ngadto sa Gov. Roa St., liko sa wala ngadto sa Maria Cristina St., liko sa tuo ngadto sa Juana Osmeña St., liko sa tuo paingon sa Gen, Maxilom Ave., liko sa wala ngadto sa F. Ramos St., liko sa tuo ngadto sa Junquera St., liko sa tuo ngadto sa Sanciangko St., dayon sa ilang naandang rota diha sa downtown area. (BANAT NEWS)