Barangay gihataga'g water pump

CEBU, Philippines -  Gipangandaman karon sa kagamhanan sa dakbayan sa Mandaue ang panahon sa ting-ulan  pinaagi sa pagpanglimpiyo nga gamitan og generator pump sa mga kanal sa tanang suok sa maong siyudad aron nga dili moawas ang tubig sa uwan nga makamugna og lunop.

Matag barangay may generator pump na karon nga hinatag sa City Hall aron maatiman pag-ayo ang kahinlo sa mga kanal sa barangay.

Si Kapitan Nelson Rubio sa barangay Umapad mibutyag sa Banat News nga ang maong mga generator gamiton nila sa pagpasuyop   sa mapundong tubig   sa mga lupaong bahin   nga pundohan sa tubig.

Matud pa ni Rubio nga nag-una nilang problema sa barangay ang mga dapit nga dili mohubas ang tubig   nga maghatag og dakong hulga nga mahimong puy-an sa mga lamok nga dengue.

Busa matud niya nga gisuhid na nila karon ang matag sitio aron ang mga molupyo sa maong mga dapit motabang sa paghinlo sa ilang tagsa-tagsa ka palibot. (BANAT NEWS)  

Show comments