27.5M tinun-an magpanon karon sa mga tunghaan

CEBU, Philippines - Andam na karong adlawa sa unang pagbukas sa klase ang Department of Education (DepEd) sa pagdawat sa 27.5 milyon ka mga tinun-an sa elementarya ug high school lukop nasud.

Base sa report sa ABS-CBN News nga sa maong gidaghanon 22.05 milyon ang mga tinun-an niini sa pampublikong tunghaan ug 3.65 sa pribadong mga tunghaan.

Sa mga na-enroll, 7.73 milyon niini sa sekondarya diin sa maong gidaghanon 5.85 milyones niini sa pampublikong tunghaan ug 1.88 milyones sa pribadong mga tunghaan ug 15.47 milyones sa elementarya, 14.25 milyones niini sa pampublikong tunghaan ug 1.22 sa pribadong tunghaan.

Gilauman usab nga mokabat ngadto sa 1.93 milyones ang magpa-enroll sa kindergarten level. (BANAT NEWS)