Chedeng moigo sa Luzon

CEBU, Philippines - Gipalanog na sa mga tinugyanan sa Philippine Atmospheric Geophysical and Astronomical Services Administration (PAGASA) nga ang bagyong Chedeng naghulga karon sa Luzon human kini morumbo sa kadagatan sa Guiuan Eastern Samar kagahapon sa buntag.

Si Kelly Toregosa, weather forecaster sa PAGASA Mactan nagkanayon nga ang bagyong Chedeng nga maoy ikatulong bagyo nga moigo sa nasud may gikusgong 95 kilometros matag takna, samtang ang iyang unos may gikusgong 120 kilometros matag takna.

Matud pa ni Toregosa nga samtang mokusokuso ang bagyong Chedeng sa Luzon ug sa kasikbit nga mga lugar niini, ang Sugbo ug ang uban pang bahin sa Kabisay-an ug Mindanao makasinati og ulan. (BANATNEWS)