CEBU, Philippines - Mokabat sa 980 mil yen nga cash ang nawagtang sa usa ka Hapon nga kasamtangang nagpuyo sa usa ka dakong hotel sa dakbayan sa Lapulapu sa milabay’ng adlaw.
Base sa taho nga gisumiter sa wala magpailang kawani sa maong hotel ngadto sa Crime Against Persons desk kanhi (TRS) ang ilang guest nga Hapon kinsa wala nila hinganli igo lamang kining mipahibalo sa maong insidente.
Atol sa imbestigasyon pakyas ang maong hotel sa pag-ila sa suspetsado gumikan kay nakatalikod kini diha sa nakuhang video footage sa ilang CCTV camera.
Ang kawatan usa ka babaye nga kalit misulod sa lawak sa maong Hapon ug posibleng maoy mikuha sa maong salapi. - BANAT NEWS