Gwen motudlo og dugang consultant

CEBU, Philippines -  Human malibkas ang usa ka tuig nga election ban, ang buhatan ni Gobernador Gwen Garcia gitakdang motudlo og bag-ong mga consultant sa Kapitolyo. Kini aron mas mapalapdan pa ug mapalambo ang de kalidad nga serbisyo ug programa sa Kapitolyo ngadto sa katawhan sa lalawigan sa Sugbo.

Hinuon wala pa ibutyag sa gobernador kun si kinsa ang mga tawo nga iyang itudlo sa pagka-consultant sa Kapitolyo. Sigun pa sa gobernador nga ang personalidad nga iyang itudlo makahatag gyud og dugang kalamboan sa Sugbo nga nahisubay usab sa iyang plata porma de gobyerno.

 Pipila sa kalagmitang mahimong consultant mao ang running mate sa gobernadora nga si Glenn Soco, ingon man si Provincial Board member Victor Maambong ug Wen Gakit. (BANAT NEWS)