Mipatay sa nag-billiard gikasohan

CEBU, Philippines - Hingpit nga gipasaka kagahapon sa kapolisan ang kasong murder batok sa usa ka tawo nga midunggab patay sa kaduwa niya og billiard sa sitio Paradise, barangay Pajo, dakbayan sa Lapulapu sa miaging semana.

Kini ang nasayran sa Banat News sa follow up nga gihimo kagahapon kang PO2 John Carlo Jocotan sa homicide section sa kapolisan kagahapon.

Giila niya ang suspetsado nga mao si Raul Penote, hingkod, minyo ug nagpuyo sa nahisgotang dapit.

Matud pa ni PO2 Jocotan nga si Penote maoy suspetsado sa pagdunggab kang Jerson Inaclito, hingkod ang panuigon kinsa naangol niadtong Abril 14 niining tuiga.Sa imbestigasyon nga gihimo ni SPO2 Jesus Gemenia sa homicide section sa kapolisan sa maong dakbayan nasuta nga gikan pa nga nagduwa og billiard ang biktima ug sa paggawas niini gidunggab sa suspetsado sa walay igong hinungdan.

Dali nga gidala ang biktima sa Mactan Doctors Hospital apan gibalhin kini sa Vicente Sotto Memorial Medical Center sa dakbayan sa Sugbo ug didto kini makabsi sa gininhawa.   - BANAT NEWS