Mayor sa calbayog gipatay atol sa pista

CEBU, Philippines - Patay ang mayor sa Calbayog human kini gipusil sa wala pa matumbok nga responsable niadtong Sabado sa gabii atol sa selebrasyon sa pista sa lungsod sa Hinabangan.

Ang gipatay mao si Calbayog City Mayor Reynaldo Uy matud pa ni Inspector Sereno Apitin sa report sa GMA News.Tv. Si Uy sakop sa Liberal Party nga partido ni Presidente Benigno Aquino III.

"Yung kaso under investigation, hindi namin matukoy ang suspect. Bago mag- umpisa ang sayawan may dasal at invocation, doon binaril ang mayor," matud pa ni Apitin sa interbyu sa dzBB radio nga gikutlo usab sa GMA News.Tv.

Matud pa sa report nga adunay usa ka sakyanan nga mihunong diin mahitabo ang programa ug maoy gidudahang gisakyan sa mga mamumuno.

Gimando ni Presidente Benigno Aquino III kagahapon sa kapolisan ug militar nga siguruhong dili modako ang kasamok sa maong hitabo.

Sa report sa GMA News.Tv, si Aquino namahayag niini atol sa Labor Day breakfast forum sa Malacañang ug kini nagdudang may bulok politika ang pagpatay kang Uy sanglit aduna may nag-ungot nga recall election sa maong probinsya.

“May political tensions ang pagkakaintindi ko sa kanilang probinsya. Meron yatang ongoing or there will be a recall campaign. And I understand that Mayor Uy is planning to run if a recall would have prospered and the subsequent election would happen. The two people injured last night were the prospective governor and vice gubernatorial candidates," matud pa niini nga nagpasabot sa duha ka mga nakalingkawas sa ambush.

Si Aquino mimando kang Philippine National Police (PNP) chief Director General Raul Bacalzo to “ensure a speedy investigation the arrest of the people behind this dastardly act."

“You know they were shot I understand while their heads were bowed in an invocation. Talagang iyon treachery, ang bigat pero we don’t want this violence to be a precursor of even more violence so I can assure the people in the province of Rey Uy, the police together with the Armed Forces will exert maximum efforts to ensure that the violence will be clamped down and there will be no untoward incidence and violence," matud pa sa pangulo.

Samtang gilabtikan usab ni Aquino ang mga regional ug provincial police directors sa PNP nga padayon ang iyang pag-review sa ilang performance ug nagpaabot siyang ilang himuon kung unsay angayan nilang buhaton. (BANAT NEWS)