Pensionado sa GSIS di na hasolon

CEBU, Philippines - Ang mga tiguwang o edaran nga pensionado sa GSIS dili na kinahanglang moduaw pa sa buhatan sa GSIS sa buwan nga ilang natawhan alang sa tinuig nga pagbag-o sa ilang record, sumala sa Philippine Information Agency (PIA)7.

Gibase sa PIA ang kasayorang ilang nakutlo sa pahibawo nga gikan sa Government Service Insurance System (GSIS) nga mipahunong na sa pagpatuman sa ilang i Annual Renewal of Active Status (ARAS) policy ngadto sa iyang kaping 300,000 lka mga pensionadong tiguwang o ang mga survivor sa mga pensionadong mitaliwan na. Ang presidente ug general manager sa GSIS nga si Robert Vergara nagkanayon nga kining mga kausaban maoy bunga sa paningkamot sa bag-ong mga sakop sa hunta sa GSIS aron ikahatag nila ang labing gaan ug sayon nga pangalagad ngadto sa mga tiguwang nga pensionado sa maong ahensya

Gani kadtong mga pensionado sa GSIS nga tua sa gawas sa nasud mahimo nilang i-renew ang ilang active status pinaagi sa video call o sa skype, usa ka software nga mohatag og higayon sa mogamit niini nga makatawag pinaagi sa Internet nga libre ug walay bayad.

Matud pa ni Vergara nga maikog na kaayo sila mohasol sa mga tiguwang ilabi na ang mga masakitong pensionado busa gihimo nila ang tanang paagi nga sayon alang sa mga edaran.