Naghikog kay kapuyo wa higustohi

CEBU, Philippines - Nakabsan sa kinabuhi pinaagi sa paghikog ang usa ka ulitawo kay wala higustohi sa iyang ginikanan ang gikapuyo niyang babaye didto sa barangay Poblacion sa lungsod sa Madredijos isla sa Bantayan niadtong Lunes sa alas 10:40 sa buntag.

Ang nagpakamatay mao si Miguelito Oflas Sevillejo, 47, ulitawo, nga nagpuyo sa maong lugar.

Si PO2 Victor Avenido sa Madredijos Police Station mibutyag sa Banat News nga si Emmanuel Salvador Sevillejo, 13, anak ni Sevillejo, maoy nakadiskobri sa patay’ng lawas sa iyang amahan nga nagbitay pinaagi sa pisi nga gihikot sa iyang liog sulod sa balay sa iyang apohan.

Subay sa inisyal nga imbistigasyon sa kapolisan nasayran nga gisugo ni Erlinda Porosuelo, ang anak ni Sevillejo pag-apas sa iyang amahan didto sa pinuy-anan sa apohan niini human kini mobahad nga magpakamatay.

Sumala ni Porosuelo nga mitug-an kaniya si Sevillejo nga wala maka-uyon ang ginikanan niini kaniya ni Porosuelo.

Nasayran usab ni Porosuelo nga naguol si Sevillejo kay dili na mogasto ang ginikanan niini sa ilang umaabot nga kasal.

Gikonpirmar sa kapolisan nga walay foul play ang kamatayon