54-anyos gipusil angol

CEBU, Philippines - Kritikal ang kondisyon sa usa ka 54-anyos nga lalaki human kini pusila sa wala hiilhing kriminal didto sa sitio Neighborhood, barangay Tabunok, dakbayan sa Talisay sa miaging gabii.

Ang biktima mao si Felix Cabigas, residente sa nahisgutang lugar kinsa nakaangkon og samad pinusilan sa iyang ulo ug buko-buko.

Si PO2 Leandro Azarcon sa Talisay City Police Office kinsa usa sa miresponde sa maong insidente nagkanayon nga usa sa anggulo nga ilang gilantawan mao nga dunay atraso o nakabangi ang biktima.

Sa wala pa pusila, si Cabigas nag-inom pa sa iyang mga higala sa lugar nga nahitaboan.

Apan pila ka oras ang milabay si Cabigas nagkalalis ug ang iyang silingan nga si Onat Bacalso.

Ug mga pipila usab ka oras ang milabay usa ka wala hiilhing kriminal ang mipusil kang Cabigas ug nasabak ang iyang likod ug ulo.

Si Azarcon uban nila ni PO3 Eric Enad, PO3 Mikie Espina, PO1 Stephen Sefuesca ug PO1 Rosauro Pasumala daling miresponde sa hitabo.  - BANAT NEWS