CEBU, Philippines - Giuswag ang pagluto sa labing dako nga bibingka sa Mandaue nga gikatakda untang himuon sa Abril 27 ngadto na sa Mayo 10 nga liwas na sa kasaulogan sa piyesta sa dakbayan nga gikatakda sa Mayo 8.
Si Clark Pelaez nga consultant sa dakbayan ug maoy chairman niini mipasabot nga kini aron makapangandam sa mga galamiton nga gikinahanglan.
Kini sama sa pugon nga ilang lutoan ug ingon man ang hurnohan niini nga maoy ilang butangan sa bibingka nga ilang lutoon. Gitug-an ni Pelaez nga mokabat sa 100 ka mga tawo ang magtinabangay sa pagluto sa maong bibingka nga gibanabana nga molungtad og 18 ka oras.
Gawas pa niini ang pagpagaling sa bugas humay, pagkagud sa liboan ka mga lubi ug hangtod na ang pagtak-ang niini. Matud pa ni Pelaez nga base sa ilang nahukman nga mokabat sa 185 metro kuwadrado ang gilapdon niini ug 3 metros nga gihabogon. (BANAT NEWS)