Pamilya ni Bruno Mars miduaw sa CPDRC
CEBU, Philippines - Ang pamilya sa sikat nga singer sa tibuok kalibotan nga si Bruno Mars mibisita sa miaging adlaw sa Cebu Provincial Detention and Rehabilitation Center (CPDRC) aron pagtino sa talagsaong pagdumala ni Gobernador Gwendolyn Garcia sa maong bilanggoan.
Si Mars ug mga kauban midayeg sa talagsaong mga talento nga gipakita sa mga piniriso ngadto sa mga turista.
Lakip sa gipakita sa mga inmate ngadto sa mga bisita mao ang usa ka kanta ni Bruno Mars nga mao ang Billionaire ug Just the Way You Are.
Ang inahan ni Bruno Mars nga si Bernadette Hernandez nagkanayon nga dili siya makatoo sa gipakita nga mga talent sa maong mga binilanggo.
Dugang pa niya nga iya gayud kining ipanabi ngadto sa ilang nasud aron mas modaghan pa ang mobisita sa CPDRC.
Sa maong higayon ang pamilya sa international singer mihalad usab kini og kanta ngadto sa mga tinanggong.
Una nga mikanta mao ang igsuon ni Bernadette nga si James gisundan ni Bernadette ug ang ikatulo mao si Jaime Hernandez ang igsuon ni Bruno Mars. (WC) (BANAT NEWS)
- Latest
- Trending
