Nakasakmit sa P3M corals may ganti

CEBU, Philippines - Gipasidunggan sa kagamhanan sa dakbayan sa Lapulapu ang unom ka mga barangay tanod ug usa ka polis nga maoy nakahatag og impormasyong nakaingon sa pagkasakmit sa mga gasang.

Si Mayor Paz Radaza mitunol sa tag P2 mil nga cash ug certificates ngadto nila ni Sr. Insp. Junel Caadlawon, ang hepe sa Station 2 sa Lapulapu City Police Office ug mga tanod sa Punta Engaño nga sila si Alejandro Villoria, Remigio Bantillo, Marlon Perez, Castor Sagang ug Marcialito Eyas.

Ang unom nakasakmit sa gibana-banang nagkantidad og P3 milyones nga gasang nga gidili na pagpanguha sa balaod ug miresulta sa pagkasikop sa suspek nga si Jessie Pagubo sa miaging semana diha sa Punta Engaño, sa barangay Mactan sa nahisgutang dakbayan.

Ang mayor ug si Punta Engaño barangay kapitan Lourdes Ibag mapasalamaton sa maong operasyon. - BANAT NEWS