HP Philippines milusad og bag-ong mga printers

CEBU, Philippines - Gipa-ila ila kagahapong adlawa ang labing bag-ong klase sa printer sa Hewett Packard nga “HP Deskjet In Advantage 2010” nga gihulagway nga labing barato ug minos ang konsumo sa ink.

Ang maong unom ka mga printers nga gihulagway nga barato ug minos ang kuha sa ink niini mao ang HP Deskjet In Advantage 2010 K010a, HP Deskjet In Advantage K109a, , HP Deskjet In Advantage 2060 All-in-One K110a, HP Deskjet In Advantage K209a, HP Officejet Advantage 4500 All-in one Printer ug HP Photosmart Ink Advantage e-All-in-One K510a.

Ang unom gipagawas sa HP Philippines nga gihulagway nga dako og tabang ngadto sa gobiyerno, negosyante ug komunidad kini tungod kay mas dako og madaginot nga ink ug mas nindot og resulta sa printing niini. Matud pa ni Erwin Creencia, Market Development Manager sa Inkjet and Web Solutions atol sa gipahigayon nga press conference sa Marriot Hotel miingon nga ang ilang produkto maoy labing barato ug lig-ong printers karon sa merkado.

“This shows that many home users are looking great value printers with low running cost. Fuelled by this strong consumer demand, we decided to introduce a full line up of Ink advantage printers to offer home users greater choices,” pasabot pa ni Creencia.

Gihulagway ni Creencia nga usa ka ‘wais’ nga pamaagi ang pagpalit sa ilang printer ug ink kini tungod kay dili lang barato nindot usab kini og resulta sa pagprint.  (BANATNEWS)