Hubog naimbargoha'g pugakhang priso

CEBU, Philippines - Usa ka lalaki kinsa giingong hubog nagtingkagol sa Talisay City detention cell human kini maimbargohi og pugakhang ug kutsilyo sa mga tanod didto sa Lower Cabanayan, barangay Bulacao, dakbayan sa Talisay sa miaging Sabado sa kaadlawon.

Ang suspetsado mao si Cresenciano Enghug, 25, nga taga Bulacao.

Ang pugakhang nga naimbargo gikan kang Enghug nagtangag og usa ka buhing bala sa 12 guage nga shot gun ug ang kutsilyo niya may gitas-ong unom ka pulgada.

Sila si Alexander Cernal, Rolando Bayao, Joseph Fuentes ug Danilo Cañeda mga tanod sa nahisgutang barangay maoy nakadawat sa report bahin kang Enghug nga puwerte kunong lasbaga, ug nagpalaas sa iyang pugakhang ug kutsilyo nga nakapakurog sa kahadlok sa mga tawo.

Gisikop dayon sa maong mga tanod si Enghug ug mitugyan niini ngadto kanila ni PO3 Renato Pendo, PO1 Jude Enemecio ug PO1 Mario Cartuciano sa kapolisan sa dakbayan sa Talisay kinsa maoy mipaslak dayon kang Enghug sa prisohan. - BANAT NEWS