Silvestre moimbistigar sa sakop nga nangilkil

CEBU, Philippines - Mopahigayon og kaugalingong imbestigasyon si Cebu Customs Collector Ronnie Silvestre sa iyang sakop sa Customs sa Sub-Port of Mactan nga giakusahang nangilkil ug miharas sa usa ka langyaw sulod sa Mactan Cebu International Airport (MCIA).

Kini ang gisaad ni Silvestre human kini makigkita ni Cebu Governor Gwendolyn Garcia didto sa Kapitolyo.

Matud pa ni Cebu Customs Police District Commander Capt. Jerry Arizabal nga human sa maong panagtagbo nila ni Silvestre ug Garcia naghuwat lamang siya   og mando aron sugdan ang   imbestigasyon.

Samtang si Customs Sub-Port of Mactan OIC Collector Ester Nario mipadayag sa Banat News nga iya nang gihatag ang tanang impormasyon nga gipangayo sa NBI 7 nga mihimo sa maong imbestigasyon base sa hangyo ni Gobernador Garcia.  - BANAT NEWS