Banay ni Mangubat nakadawat hinabang

CEBU, Philippines - Personal nga gitunol ni Gobernador Gwendolyn Garcia ang P30 mil nga hinabang financial ngadto sa banay ni PO1 Wiliam Mangubat kagahapon didto sa Kapitolyo.

Si Marilyn Mangubat, nga inahan ni Mangubat maoy midawat sa P10 mil, samtang P20 mil usab ang gihatag sa gobernador ngadto kang Edelyn Nacario nga kapuyo ni Mangubat.

Sa samang higayon gitunol usab sa gobernador ang "posthumous award" ngadto sa inahan ni Mangubat pag-ila sa bayanihong kamatayon sa maong polis.

Si Mangubat gipusil patay sa duha ka tulisan nga iyang gigukod didto sa ilawom sa taytayan sa Mananga, barangay Tabunok dakbayan sa Talisay sa miaging semana.

Padayon pang gipangita sa kapolisan karon ang mga kriminal. (BANAT NEWS)