Segundo distrito sigurong mabuak

CEBU, Philippines - Dako ang kahigayonan nga mapasar gayud sa committee level sa ubos balay balaoranan ang balaodnon nga giduso ni 2nd district Representative Pablo Garcia nga nagtinguha sa pagbuak sa segundo distrito sa lalawigan sa Sugbo.

 Matud ni Congressman Pablo Garcia nga wala na siyay nakitang babag nga malangay ang pagpalabang sa iyang balaodnon.

 Kini tungod kay adunay bag-ong pamaagi ang kongreso karon nga ang mga balaodnon nga naaprobahan sa milabay nga congress dili na kinahanglang ibalik sa pagpasar sa committee level.

 Subay niini mahimo na unya nga bag-ong distrito ang kalungsoran gikan sa lungsod sa Argao ngadto sa Samboan.

 Subli usab nga gipasabot ni Kongresista Garcia ang tumong ug tuyo sa pagbuak sa second district nga mao ang pagdugang og representasyon didto sa kongreso alang sa mahidugang nga distrito. (WC) (BANATNEWS)