CEDC mihangop sa order sa korte

CEBU, Philippines - Ang Cebu Energy Development Corporation (CEDC) mihangop sa hukom sa korte sa pagtugot kanila nga padayong makalabay sa ilang coal ash sa barangay Landahan, dakbayan sa Toledo.

Ang CEDC mipasalig nga padayon ang ilang environmental team sa hugot nga pagsunod sa mga lagda alang sa proteksyon sa kinaiyahan ug sa komunidad.

Ang mga contractor sa proyekto nila sa landfill nga San-Vic Agro Builders misunod sa Environmental Compliance Certificate (ECC) tungod kay nakatuman kini sa tanang rekisitos ngadto sa Department of Environment and Natural Resources (DENR).

Ang DENR mi-exempt sa kompaniya sa requirements alang sa permit to transport and disposal sa coal ash apan ang CEDC mi-require sa ilang contractor nga mo-secure og ECC sa ilang landfill project.

“As a responsible corporate citizen, Cebu Energy guarantees proper management of coal ash disposal, in case there will be instances that its coal ash will not be collected by its contracted cement companies,” matud pa sa gipadalang pamahayag dinhi sa Banat News ni Mae Melchor ang tigpamaba sa CEDC.

Si Judge Marilyn Ligura-Yap sa Mandaue City Regional Trial Court mipagawas og kamandoan niadtong Marso 16, 2011 nga nagmandong ang Toledo Power Corp., Cebu Energy Development Corp. ug ang Global Business Power Corp. makalabay lang sa ilang coal ash sa landfill diha sa Landahan, Toledo.

Samtang ang Kepco-SPC mogamit sa ash ponds diha sa planta niini sa barangay Colon, dakbayan sa Naga, apan wala nalakip ang Balili property nga gi-develop unta alang sa maong katuyoan tungod kay giingong peligro kini sa mga pagatpatan. (BANATNEWS)