CEBU, Philippines - Pagpamokong sa mga pasahero diha sa South Bus Terminal monitoron ug pahugtan pa ang pagpatuman sa pagkolekta sa terminal fees ug sa pletihan diha pa lamang sa pre-departure area sa South Bus Terminal.
Kini human masayri ni Gov. Gwendolyn Garcia atol sa pakigtigom sa mga bus operators ug drivers usa ka semana na ang nakalabay nga wala masunod ang terminal fees nga P5 diha sa SBT.
Giingong daghang mga rason ang mga pasahero ug ang mismong tigkolekta niini maong makalusot ug makapamokong. Ang P5 terminal fees gigamit sa lalawigan alang sa maintenance ug pagpalambo sa maong terminal.
Sumala pa ni Provincial Administrator Eduardo Habin nga seryuso si Garcia nga matabangan ang mga operators ug mga drayber sa bus aron dili sila maalkanse sa ilang pagbiyahe.
Apan kinahanglang mokooperar usab sila sa mga programang giumol sa lalawigan kini sama sa pagsuporta sa ilang mga planong pagpasaka sa pletihan ug uban pa. (BANATNEWS)