P200 mil balor sa nalungkab

CEBU, Philippines - Himabaw sa P200 mil ang nasakiyo sa usa ka kawatan human lungkaba niini ang balay sa usa ka negosyante ug magtutudlo sa sitio Sto. Niño, barangay Inayagan ,syudad sa Naga kagahapon sa kadlawon. Ang biktima mao si Elineta Collante, 42 , nga molupyo sa maong lugar ug usa ka magtutudlo sa maong syudad.

Sa pakighinabi sa Banat News, si PO1 Nilo Dacles sa Naga Police mibutyag nga ang kawatan miagi sa bintana sa balay sa biktima.

Gihakot sa kawatan ang mga alahas nga naglakip sa bracelet nga Chinese gold nga nagkantidad og P60 mil, diamond ring, nga balor og P25 mil, wedding ring P8 mil, Sony video camera, P35 mil, Olympus digital camera P7 mil, Cannon digital camera P10 mil, Kingsmen digital camera P3, 500 ug cash nga P540. (BANAT NEWS)