CEBU, Philippines - Dul-an sa usa ka gatus ka libo ka pesos nga kwarta ug mga mahalong alahas ang natulis sa upat ka mga armadong tulisan gikan sa usa ka negosyante nga nahiyosan og ligid diha sa highway sa Luray-2 dakbayan sa Toledo niadtong Miyerkules sa alas 12:40 sa hapon.
Ang biktima mao si Cresolina Ypon Tingal, 48 , taga sitio Sto. Niño Mainggit, Toledo City samtang gipangita pa sa kapolisan ang upat ka mga tulisang pulos naka-crash helmet ug naka-jacket og kolor itom nga dunay duha ka motorsiklo nga DT Yamaha ug laing kolor yellow nga motor nga nag-angkasay.
Si SPO1 Carmelito Hornales, desk officer sa Toledo City Police dihang nahinabi sa Banat News nag-inusara sa front seat sa ilang Isuzu Elf nga na-flat ang ligid.
Ang anak ni Tingal kansang pangalan wala makuha sa kapulisan maoy nagmaneho sa trak ug nananghid nga iyang patapakan ang ligid sa usa ka vulcanizing shop dili layo sa maong lugar.
Apan samtang nagpaabot ang biktima sa anak kalit nangabot ang mga tulisan ug diretsong mition kaniya og armas ug mideklarar og tulis ug gikuha ang iyang bag nga dunay sulod nga kapin sa P20 mil nga cash, tseke nga mobalor og P16 mil, mga alahas ug cellphone.
Human niini daling miikyas ang mga tulisan padulong sa barangay Sangi. (BANAT NEWS)