Mananaog sa indigay gipasidunggan

CEBU, Philippines - Ang mga mananaug sa gipasiugdahang indigay sa mga tinun-an atol sa labing unang family day sa University of the Visayas-Mandaue gipasidunggan sa miaging adlaw.

Si Dr. Noeleen Borbajo, dean ug officer-in-charge sa maong tulunghaan miingon nga ang kalampusan sa maong indigay nga ilang gipasiugdahan maoy resulta sa ilang pagtinabangay.

Ang gipasidunggan nga midaug sa nagkadaiyang kategoriya sa indigay mao ang 4th year high school nga tinun-an nga si Genevieve Cortes, nga maoy napili nga Miss Family Day, ug Mrs. Yplanda Arogante isip Mrs. Family day.Dugang pa ni Dr. Borbajo nga sa nagkadaiyang gipresentar nga kalingawan sa maong adlaw nakaangkon sa kadaugan ang 1st year nga mga tinun-an sa kolehiyo sa ilang presentasyon nga Cebu Dance, ikaduha ang 4th year high school sa ilang sayaw nga Sports Mimetic, ikatulong mananaug mao ang mga tinun-an sa 3rd year high school sa ilang gipresentar nga sayaw nga Resto Dance.Sa dula nga basketball midaug ang Alumni batok sa kaatbang nga mga sakop sa Parents Teacher Association (PTA) ug sa kategoriya sa mga tinun-an, nagtigi ang first year batok sa second year, ug second year batok third year, ug third year batok sa fourth year nga mga tinun-an.

Si Dr. Borbajo miingon nga dugang indigay nga gipahigayon sa maong adlaw ang Talentadong Pamilyang Visayanian nga giangkon usab sa Tagalog Family ug sa parents child look alike nga naangkon nila ni Emma ug Rosemae Esguera. - BANAT NEWS